收到啦！收到啦！
9 箱家當經水路由澳門長征9,900 多公里之後，終於完整無缺咁順利送到我家。
依家同大家回顧一下寄家當嘅過程：
2022 年 12月 9 日，聯絡物流公司上門報價、包裝後共有9 箱家居用品，總共1.56 CBM ( 立方米 )。
2022 年 12 月 15日，物流公司要求填寫 1076 Form & TOR1 Form ，遞交愛爾蘭政府要求嘅所有文件如：愛爾蘭以及澳門居住證明，寄貨人護照以及居愛簽證（如適用），澳門生活消費記錄，愛爾蘭 PPSN。
2022 年 12月 22 日，物流公司安排員工上門包裝。家當暫時存放喺澳門物流公司嘅貨倉，等待下一個船期。
2023 年 1 月9 日，家當已經落船運往香港港口。
2023 年 1 月 12日，家當離開香港港口，出發前往愛爾蘭。
2023 年 2 月 24 日，愛爾蘭物流公司通知家當需要繳交愛爾蘭關稅。
2023 年 3 月 2日，愛爾蘭物流公司通知家當已經到達愛爾蘭並且已經完成清關手續。隨時可以送貨。
因為有事需要外出，要求愛爾蘭物流公司暫存家當三個禮拜。收取存倉費連稅共 € 36.9。
2023 年 3 月 24 日，準時收到家當。
澳門經海路運至愛爾蘭，落貨清關，再由愛爾蘭本地運輸公司將家當直接運至府上，費用如下：
澳門物流公司收費：港幣 $ 24,900。
愛爾蘭稅局徵收入口關稅：€ 140.76。
愛爾蘭物流收費：清關費用連存倉費共 € 236.9。
⚠️ 注意 ⚠️ 注意 ⚠️ 注意
***我要俾入口關稅嘅原因，係因為我滿足唔到愛爾蘭政府轉移個人物品嘅居住要求：我喺澳門寄出家當之前並沒有居住喺澳門六個月或以上。
如果想免稅，大家就要注意呢個重點!!!
Comentários