屋企人取笑，話我講嘢成日講到好誇張；無句真！而我身邊嘅朋友，有時都覺得我係吹水唔抹嘴，話唔知我邊句先係真。
其實我講嘅每一句都係真話。
經我口講得出嚟嘅說話，都係經過我多番思考而得出嚟嘅想法。只係大家唔相信我係會去做。
我承認：我真係好鍾意亂諗嘢。我腦海入面經常會出現好多唔同嘅預想畫面。我有好多唔同嘅人生藍圖。我鍾意天馬行空。我鍾意無限幻想。
當我確定我嘅諗法之後，我會搵方法去逐步逐步去實現我嘅目標。有時，過程會好順利，好快就可以完成期望。有時，要好周詳計劃，要磨足三、五、七年甚至乎更長時間，先至可以得到我想要嘅結果。
咁有冇嘢係我諗好咗之後又做唔到？
當然有！
當我自己嘅決心唔夠大，行動力不足，再加上環境條件唔配合，外來因素影響等等。都係會中斷我嘅大計。
咁我會唔會放棄唔做？
答案係唔會。
只要我確定自己好想做，我仍然會搵機會繼續做，一直直至到達成為止。
赤子之心 是保持活力 探索世界的泉源 人老心不老 活得青春👍😘👏💪