人到中年，開始肯承認自己身體機能已經逐漸變得大不如前。眼見身邊多位友人健康紛紛响出警號，我亦唔敢怠慢，照肺，照腸胃鏡，驗血，驗尿，驗排洩物….通通都做。總之可驗就驗，但求可以精精神神，繼續遊戲人生。
想喺愛爾蘭透過公營醫療系統保養自己嘅身體，需要等待嘅時間真係好漫長，同港澳地區等睇政府保健有過之而無不及。
首先，你必須預約 GP，向醫生反映自己嘅身體狀況，有咩唔舒服。醫生初步診斷後如覺得有需要，會安排驗血、驗大小二便，做 X Ray / CT 等檢查身體各部份，直至到有檢查報告結果出爐，此過程需時可長達兩至三個月。
如身體狀況需要交由專科跟進，GP 就會轉介求診者去政府嘅專科門診排隊，專科醫生會接力完成餘下嘅部分。當進入此程序，漫長嘅等待就正式開始……..
話說我 2019 年經 GP 轉介到專科門診睇醫生，由於疫情嘅關係，我足足等待至今年年頭，先得到一個會診嘅預約邀請。
咁如果冇疫情嘅情況之下，又要等幾耐？咁樣就要視乎情況，普通保健( 走唔甩 ) 至少等一年。
點樣可以快啲睇到醫生？
一、睇愛爾蘭嘅私家醫生
二、返港澳 / 去其他國家睇私家醫生
愛爾蘭公立醫院收費：
過夜 / 日間住院服務費用為每天 € 80。
如果您喺公立醫院入院時選擇私人顧問為您治療，您需要支付住院服務費用為每天 €329 - € 1,000 ( 視乎醫院等級而定 )。
急診室 (A&E) 收費：
如果您喺沒有全科醫生轉介嘅情況下前往急診室，需要支付 € 100費用。
如果您係由全科醫生轉介（請攜帶您嘅轉介信），則不收取任何費用。
參考資料：
Comments