講句大吉利是先！
喺愛爾蘭病咗，睇醫生都唔係咁容易！愛爾蘭醫療有家庭醫生 General practitioners ( GP ) 制度 ，即係大家必須喺一個有全科醫生嘅診所 / 醫療中心為自己及家人註冊登記 ( 登記需要 PPSN、住址及個人資料 ) ，咁先可以 ** 打電話去預約睇醫生！大家冇睇錯，睇 GP 係要預約㗎！（ 我心諗、又會預先知道自己幾時病嘅😥 ）
當然選擇 GP 一般都會搵喺屋企附近嘅，但其實唔係所有 GP 都能夠接收新症，好多時候 GP 會通知「 診所已滿額 」，咁大家只可以搵多幾間，直至到有 GP 肯接收為止。如果大家喺冇個人 GP 嘅情況下需要睇醫生，就唯有去幫襯有 Walk in service 嘅診所啦！
⭕ 尋找我附近的 GP ( Find GP near me ) ❗ 每人只可以註冊一位 GP
關於診金：
喺愛爾蘭睇醫生一啲都唔平！GP 每次收費 € 30 - € 60 不等 ( 視乎地區而定 )，而且診症費並不包括藥費 ( 視乎醫生開幾多日藥，約 € 20 - € 30 )。
醫院收費 ： 自 2023 年 4 月 17 日開始，公立住院護理或日間服務護理不收取醫院費用。
所以，如果有需要，大家可以嘗試去申請醫療福利 ( 必需要有交稅及通過入息審查 )；獲得 GP Visit Card 或 Medical Card 。
GP Visit Card - 免收診症費，只需付藥費。
Medical Card - 免收診症費，每人藥費只象徴式每次支付 € 2 並且一個月不超過 € 20。
另外，以下人仕可以免入息審查就可以自動獲得 GP Visit Card：
• 6 歲以下。 • 70 歲以上。 • 已經獲得全額或半額護老者津貼嘅人仕。
申請表格：
緊急醫療服務 Emergency health services
救護車服務係免費嘅 ( 撥打 999 或 112 )。
冇 GP 轉介嘅情況下前往公立醫院急診部 ( A+E )，您可能需要支付標準費用 € 100。
當 GP 已經下班，如需要醫療服務，按此查詢。
咁老人家在澳門退休，但由不想在澳門睇牙醫，因太貴，如果剛到達愛爾蘭，有得可以申請免費睇牙醫服務嗎？
只要先通過入息審查 ，就可以得到 Medical Card 。
老人家可以獲得medical card嗎？