有一個國家叫愛爾蘭共和國。
但係愛爾蘭共和國係冇人識，大多數人都以為佢係隸屬英格蘭；以為佢係北愛爾蘭、蘇格蘭、紐西蘭，甚至係……是旦啦……
曾經愛爾蘭共和國就好似與世隔絕咁，國家只會按照自己嘅步伐慢慢發展 ( 真係超級慢 ）。人民生活數十年如一日、日日專心享受佢哋嘅健力士黑啤同馬鈴薯美食、日子過日非常悠閒寫意。
有一日，愛爾蘭共和國跟大隊加入歐盟。之後十年，風雲變色，愛爾蘭最後落得成為 「歐豬五國」其中之一員嘅慘況。愛爾蘭政府同人民開始醒覺，面對現實。政府大量吸納外資，發出黃金簽證，努力還國債。人民奮力工作交稅；開始儲錢，積谷防飢。終於，愛爾蘭擺脫咗債務危機，甚至超越埋以往嘅經濟水準。
多得歐盟政策，又多得英國脫歐，愛爾蘭共和國終於有人識。愛爾蘭共和國被推廣介紹；愛爾蘭共和國外來人口激增；愛爾蘭共和國跟大隊接濟難民，愛爾蘭共和國真係變得好共和…..
最後，
愛爾蘭人民決定，
我哋係時候要移民啦！
Comments