近日愛爾蘭踏入盛夏，日間氣溫最高去到 29 、30 度，真係好熱，熱到乜都唔想做。如果只係睇數字，大家一定會覺得：「 都唔係好熱啫！冇問題呀！冇你講到咁誇張吓！」
點解咁嘅溫度就已經叫苦連天？
愛爾蘭一般家庭住宅係唔會有冷氣，有好多甚至乎連風扇都冇。（ 包括我屋企 😂 ）
愛爾蘭冇高樓大廈，亦冇大廈騎樓底、簷篷可以遮陰，一去到室外，如果當時係烈日當空，就一定會硬食個太陽暴曬，唔使一個鐘，皮膚已經兩截色。
愛爾蘭嘅商鋪都未必有冷氣。點解冇，當你知道一年當中只有極少日子室溫超過 25 度以上，我相信你都唔會去裝冷氣。
愛爾蘭仲有好多汽車係冇冷氣架.......就算四窗全開到盡，如果當時冇風，其實真係等同焗桑拿一樣。
極度懷疑愛爾蘭水管安裝有古怪，因為只要氣溫上升，打開凍水龍頭，出嚟嘅水都係熱㗎🤪。
我忍受咗幾日一上車就焗桑拿、一路食飯一路流汗，一日至少沖兩次涼之後，終於忍唔住，走咗去買風扇，最後發現風扇已經賣晒.....
歐洲嘅夏天，真係會熱死人㗎😩
Comments