話說小女上體育堂時被同學打出嘅曲棍球球 Hockey Ball 擊中脚眼，起初女兒覺得自己冇乜大礙，亦無察覺到有任何傷痕，所以並沒有即時告訴同學，亦沒有通知老師跟進。
直至到下午接女兒放學，見到佢行到趷下趷下，估計一定有事情發生。我想了解清楚當時情況，女兒卻說沒有人知道自己受傷……………. 我低頭查看一下，驚見女兒受傷部位已經腫如雞蛋。我問女兒：「為何不即時出聲 ?」當然，此時女兒仍然默不作聲。一返到屋企，女兒終於懂得呼呼大叫，說自己痛楚難行。
第二日，我一早聯絡家庭醫生 GP，為女兒安排時間檢查傷勢，幸好當天早上醫生有空，否則…………「 等待 」係常識吧 !🙄
經過 GP 初步診斷之後，佢話：「近距離被球擊中嘅傷害等同被硬石擊中，可以去到好嚴重喎。嗱，依家我寫封轉介信畀你，你立即帶女兒去 Injury Unit 照 X 光，之後嗰度嘅專科醫生會處理㗎啦。」如是者，我按照 GP 指示，載女兒到指定醫院繼續「 等待 」。
我倆用咗整個上午嘅時間喺醫院各部門之間流連，最後得出結果為女兒受傷部位沒有骨裂 ( 謝天謝地👏 )。咁我問醫生，女兒傷勢如何處理 ? 是否需要戒口 ? ( 自己即時開啟咗受傷後處理常識 Mode )。醫生卻笑笑口答：「點解要戒口 ? 傷口痛就食 Calpol，我會叫護士用繃帶包好受傷位置，睇嚟應該會至少腫 5 日，你記得早晚幫女兒敷冰啦。」我連忙向醫生及護士道謝一番，之後陪同女兒歸家好好休息去。
個人覺得值得一讚嘅係，雖然依度睇醫生真係要等一段時間，但係佢哋真係有細心處理同跟進，並唔會 Hea 住做，等待 X 光檢查結果亦不費時，相比起澳門福地醫生醫療，我真心覺得愛爾蘭高好多班，至於醫治手法，就各施各法啦 !
主要係為患者治療不太可能需要住院嘅指定部位嘅輕傷。某些 Injury-Units 可以直接 Walk In ，某些則需要患者提供全科醫服操生 GP 嘅轉介信。使用 Injury-Units 每次費用為 € 75 。如果患者有醫療卡或者有 GP 轉介信，則無需付費。
按此 When to visit an injury unit 查詢 Injury-Units 可以治療什麼傷 。
Comments