政府將於今個星期五 （ 3 月 26 日 ）開始啟動強制性酒店隔離，檢疫政策。此政策適用於所有喺高風險國家 / 地區出發 / 曾經停留， 再進入愛爾蘭境內嘅任何國籍人仕。
以下 33 個國家目前喺係愛爾蘭嘅高風險名單內：
阿根廷，安哥拉，奧地利，玻利維亞，博茨瓦納，巴西，布隆迪，佛得角，智利，哥倫比亞，剛果民主共和國，厄瓜多爾，埃斯瓦蒂尼，法屬圭亞那，圭亞那，萊索托，馬拉維 ，毛里求斯，莫桑比克，納米比亞，巴拉圭，南非，盧旺達，坦桑尼亞，巴拿馬，秘魯，蘇里南，烏拉圭，委內瑞拉，塞舌爾，阿拉伯聯合酋長國，贊比亞和津巴布韋。
當以上人仕入境愛爾蘭後，會直接送到附近嘅指定酒店進行檢疫隔離。如違反此新法例，可能面臨最高 € 5,000罰款或監禁六個月。
嚟自以上地區嘅人仕必須先透過政府公佈嘅網站，預訂兩週強制性酒店住宿，並必須預先支付所有住宿費用。
預約網址：
酒店住宿兩週費用 （ 共 12 晚 ），起價為每人€ 1,875，費用包括住宿，一日三餐，入境地點到酒店嘅交通費以及兩次 COVID - 19 檢測費用。
所有不在高風險名單內嘅入境人仕，可繼續按照之前公佈嘅要求實行自我隔離政策。
• 填寫 COVID - 19 旅客定位表 Passenger Locator Form。
• 提供上機之前 72 小時內發出嘅 COVID - 19 逆轉錄聚合酶鏈反應 ( RT - PCR ) 測試結果 （ 必須為陰性或 “ 未檢測到有病毒 ” ）。
• 持有COVID - 19 為陰性或 “ 未檢測到有病毒 ” 報告嘅旅客可以喺抵愛後至少 5 天再一次進行RT - PCR 測試，當收到書面確認測試結果為陰性 / “ 未檢測到有病毒 ”，旅客就可以自由活動 ( 旅客必須保留測試結果確認信至少 14 日 )。
• 如抵愛後第五天不想再做檢測，可繼續進行自我隔離直至第 14 天。
⚠️⚠️ 注意：
> 入境人仕要密切留意 「 高風險名單 」嘅更新情況。
> 不在高風險名單內嘅入境入仕，可以自由安排隔離地點。（ 不一定要在指定酒店，不一定要在入境位置附近 ）
> 自我隔離 = 不可以外出！
> 如指定入境入仕手上冇合規格嘅檢測報告，會被即時送到指定酒店強制隔離 14 天，並會面臨處罰。
Comments