我有好多個夢想。
而我一直相信，我嘅任何實際夢想，都係可以達成嘅。
因此，我認為夢想並唔係夢想，佢係一件事實，係一件可以透過自己爭取，再加上天時、地利、人和而產生嘅結果。
當然，除咗自己努力之外，其他任何嘢都唔輪到我話事。所以夢想有幾多？實際又做到幾多？其實係靠一個做字，同講一個信字，但結果係點，係冇得執着。
通常我下定決心做一件事，都會因應事情嘅規模去設定一個限期。但限期過咗，亦唔代表我會放棄，我會繼續努力爭取，因為我絕對相信，只要信，加上盡全力去做 ( 係真係要用盡全力，唔好放過任何一個可以實現夢想嘅機會），當到咗適當嘅時候，就會出現合適嘅結果。
我之所以可以咁肯定咁講我會做得到，係因為我知道如果嗰樣嘢係唔屬於我，我連開始嘅機會都唔會有。
我嘅夢想 = 我嘅規劃 = 我所要嘅結果。
喺他人眼中，可能係不可能任務。但係我相信自己做得到，我認為自己做得到，我肯定自己做得到。
2023 年；
我決定要做一個最大、最美嘅夢，當中包括 N 件事情。我將會用我嘅一生嘅時間去實踐……
Comments