政府宣佈由 1 月 16 日開始，乘搭飛機或者坐渡輪前往愛爾蘭嘅任何國家嘅旅客（ 北愛爾蘭入境者除外 ）都必須提供喺抵愛之前嘅 72 小時內發出嘅 PCR COVID-19 檢測報告 （ 檢測結果須為陰性 / 未發現有病毒 ）。違例者有可能被罰款 €2500 或監禁 6 個月。
⭐️ 6 歲以下嘅兒童豁免提供檢測報告，但抵愛後，需要自我隔離 14 天。
留意 ⚠️ 入境愛爾蘭現時政策為：
來自歐盟 / 歐洲經濟區內 紅色 或 灰色 區域 或 來自非歐盟 / 非歐洲經濟區國家 / 非地區嘅所有國籍旅客應自我隔離 14 天（指定類別除外）。
當旅客喺抵達愛爾蘭後至少五天，如再次接受 PCR 檢測，而得到測試結果為陰性 / 未檢測到有病毒，咁旅客就可以停止自我隔離。
注意 ⚠️ 以上政策並不適用於來自英國，南非或南美嘅旅客，政府建議他們需要完成 14 天自我隔離。
現時愛爾蘭仍然處於 Level Five 防疫政策階段，如非外出處理必要事情，就要遵守最多只可去離家 5 km 距離內嘅政策。而兒童就留在家中上課，直至 2 月之前政府再公佈相關安排。
其實大家都已經有心理準備要繼續 Lockdown 落去，因為愛爾蘭單日確診人數雖然已經由最高峰期八千多人回落至三千多人，但醫院缺乏床位，醫護人手不足，死亡人數上升等種種不利嘅因素，根本唔容許政府 / 國民掉以輕心。
コメント