12 月 30 日愛爾蘭政府宣佈全國再次進入 Level 5 防疫政策，一直至 2021 年 1 月 31 日。
最新防疫指引如下：
• 家庭訪客 ( 包括花園範圍 )：不可以，除非係出於支援老弱家庭或支持單親家庭。
• 中小學：聖誕假期延長直至到1月11日再重新開放。早期學習和育兒服務保持開放並採取保護措施。高等教育，持續教育，成人教育以網上教學為主。
• 咖啡館、餐館、有經營餐館嘅酒吧：只能提供外賣。
• 博物館，美術館和其他文化景點嘅所有場館關閉，只提供在線服務。
• 宗教活動場所：僅限私人和線上做禮拜。
• 零售業：除必要零售外，其他必須於 12 月 31 日起開始關閉。
• 健身房，休閒中心和游泳池：必須於 12 月 31 日起開始關閉。
• 戶外遊樂場，遊樂區，公園：保持開放並採取適當嘅防護措施。
• 禁止所有有組織嘅室內以及戶外聚會 ( 獲得豁免的團體除外 )。
• 婚禮：從1月3日起最多只可 6 個人同場。
• 酒店：只開放俾基本嘅非社交，非旅遊目的嘅人。任何於 12 月 30 日入住酒店嘅旅客仍然可以完成住宿。
• 葬禮：最多只可 10 個名送葬者參加。
• 交通：公共交通容量將限制為 25 ％。建議人們避免使用公共交通工具；盡可能步行或踩單車。
• 縣外旅行？不可以。
國內旅行限制如下：
12 月 31 日之前已經離家嘅人們允許返回其居住地。如非以下情況，人們只可以喺自家住宅 5 公里範圍之內活動。
如出於以下原因，人們仍然可以出門到5公里之外：
* 上下班，而其工作須涉及提供基本服務。
* 參加醫療預約、購買藥品或其他保健產品。
* 參加支援殘疾人士嘅服務。
* 出庭。
* 出於重要嘅家庭原因，例如照顧兒童，老人或弱勢群體，尤其係為獨居者提供服務，但不包括探親訪友。
* 購買食品。
* 用於農業目的（ 食品生產或動物飼養 )。
* 參加婚禮或葬禮。
* 掃墓。
Σχόλια