愛爾蘭衛生部門於上星期建議全愛必需實行 Level 5 嘅防疫措施，咁樣先有機會抑制 COVID-19 快速傳播；令學校繼續安全開放。
正當全國國民議論紛紛，擔心又要再 Lockdown 過。但愛爾蘭總理公佈嘅結果就表現咗自由民主國家嘅可貴之處：你可以建議；我亦可以唔接受。就係咁，愛爾蘭全國現時只係實行 Level 3 防疫措施直至到十月廿七日。
問我擔唔擔心？咁當然擔心，但係既然政府已經做咗決定，自己亦只可以跟大隊照去。你唔戴口罩咩？咁我戴口罩兼遠遠見到就搵路走囉！
每當事件發生；一定會出現多種唔同嘅聲音、有同一目標但唔同嘅處理手法。咁正正就係顯現「大同」中存「小異」嘅精神，假如冇咗「小異」；咁「大同」仲係「大同」咩？
Comments