2021年3月5日讀畢需時 3 分鐘

都柏林房屋唔太平，治安都唔太平 ?

已更新：5月25日

毌庸置疑都柏林房屋係唔太平，咁貴係咪就等於絕對安全？梗係唔係啦！要知道贼係有腳嘅，佢哋會周圍走，尤其係當佢哋認定目標係富戶，又點會唔立壞心腸？

咁又話房屋價值同治安係成正比？

無錯，房屋價值絕對反映到該地區 / 屋苑小區嘅治安 / 安全度。呢度所指嘅安全度包括：

• 該屋苑小區內會否有「政府房屋」分發俾低收入家庭 / 街友入住。

• 租金 / 售價平貴會吸引不同階層、不同國籍嘅人士入住。租金平嘅地區容易造成龍蛇混集。

• 房屋周邊位置會否設有戒毒中心？或有機會出現毒品交易。

• 社區內住戶嘅素質直接影響 / 反映出學校內學生嘅素質。

都柏林治安如何？

「世事無絕對！」

如果唔係真正住過該地區，其實真係好難講明邊一個位置係「絕對安全 / 唔安全」。再者如果自我保護意識不足，平常出入唔會做足防犯措施，咁樣就會容易引人犯罪。就算身處一個安全地段，其實亦唔能夠確保自身安全。

都柏林內一致公認嘅「黑暗」地區：

Coolock

位置：Dublin 17 區。要留意與 5 區交界周邊。

注意事項：區內有好多政府樓，偷竊，犯毒，傷人，槍撃案件常有發生。白天需要注意喺街上流連嘅酒鬼，夜晚經常會有街童 / 古惑仔喺區內遊蕩。

新聞消息：Crimes News

Ballymun

位置：Dublin 11 區。要留意宜家傢俬 IKEA 對面一帶住宅以及 Dublin 9 區交界周邊。

注意事項：區內相當唔太平，有不少偷竊，犯毒，傷人，槍擊，燒車案，Garda 都束手無策。日間看似正常，其實暗藏邋遢。

新聞消息：Crimes News

Finglas

位置：Dublin 11 區。

注意事項：區內相當唔太平，有好多爆格，偷竊，犯毒，傷人，謀殺，槍擊案。

新聞消息：Crimes News

Drumcondra

位置：Dublin 9 區。需要留意與 3 區交界，Crocke Park 體育場附近， DCU 大學附近地區。

注意事項：砸爆汽車玻璃，爆格，上門騙案，偷車，街童暴力。每逢體育場有足球賽事，就要小心注意球迷生事以及酒鬼乘機攪事。

新聞消息：Crimes News

East Wall

位置：Dublin 3 區。要留意與 1 區交界，市中心 IFSC House，Sheriff Street 周邊地區。注意事項：街上搶劫，傷人，犯毒，黑社會幫派活躍地區。

新聞消息：Crimes News

Maryland / Rialto / Inchicore / Crumlin

位置： Dublin 8 區。要留意市中心 River Liffey 河邊靠近健力士酒廠周邊，Dublin 2 區與 8 區交界周邊。

注意事項：街上搶劫，路上酒鬼、街童挑釁，種族歧視。犯毒，偷車，槍撃，愛爾蘭其中一大黑幫藏身點。邊一帶喺危險地段由觀察區內住宅外觀以及街道陰暗殘舊環境便可知一二。

新聞消息：Crimes News

Clondalkin

位置：Dublin 22 區。需要留意 Ninth Lock Road，Ronanstown，Neilstown Road 周邊一帶。注意事項：住宅區內有政府樓，偷竊，犯毒，傷人，爬山電單車快速行駛，槍撃案件偶有發生。另有街童生事，人口失蹤，住宅停電，幾年前曾經發生強姦婦女，種族歧視等問題。

新聞消息：Crimes News

Ballyfermot

位置：Dublin 10 區。

注意事項：數個犯毒集團容身之處。

新聞消息： Crimes News