2022年6月4日讀畢需時 2 分鐘

你問我答 Part Two

你問：愛爾蘭買降血壓藥係咪唔可以就咁喺藥房配？一定要睇左醫生先？我未有登記 GP，可以點做？

我答：買藥時藥房話要 prescription，即係要有醫生處方先買到藥物，咁就一定要睇咗醫生先。如果未有GP，可以去睇 Walk in Clinic，叫醫生檢查後再開處方。

你問：請問現在葡藉人仕想移民愛爾蘭是不是不用申請？有沒有移民手續？以你所知，葡藉人仕需唔需要搵啲移民公司顧問幫手？

我答：葡藉人仕想移民愛爾蘭一直都沒有移民手續，買張機票+有錢生活，就可以直接過嚟。絕對唔使搵移民顧問，唔好嘥錢。

你問：請問有沒有葡藉移民愛爾蘭嘅流程或介紹？

我答：你可以睇「葡籍人士重要提示」/ 《葡籍人士 FAQ 》

你問：應該在什麼月份過來, 才能配合小學生嘅入學申請？那區學校比較好？是否 Multi-denominational 小學比較可取？

我答：呢邊學校每年 10 月就開始招新生，到時你就要 email 學校搵定學位。如果你要過嚟，暑假 6 月 / 7 月過嚟就最好。如果想子女入讀 Multi-denominational，你可以考慮下 Educate Together 嘅學校，另外普通公立學校都可以，其實最主要都係睇吓嗰個社區是否安全。

你問：愛爾蘭房屋很多都存在氡氣 Radon 嘅問題？租屋時，怎樣知道房子有沒有 Randon, Mica pyrite問題？

我答：租屋時，地產不會知道相關問題。關於房屋是否位於嚴重存在氡氣 Radon 嘅地區，可按此查詢。關於房屋是否位於嚴重存在雲母黃鐵礦 Mica pyrite 嘅地區，可按此查詢。